Skólasafnið er í björtu og rúmgóðu húsnæði á annarri hæð skólans. Beinn sími er  577 2913.
Bókasafnið er opið, mánudaga og miðvikudaga frá kl. 12-14, þriðjudaga, fimmtudaga og föstudaga frá kl. 8-14. Starfsmenn eru Svanhildur Halldórsdóttir og Ólafía G. Leifsdóttir.

Safnkostur
Á safninu eru skáldsögur og fræðibækur fyrir alla aldurshópa en einnig  hljóðbækur, geisladiskar, spil , myndbönd, DVD og tímarit. Upplýsingar um öll gögn er að finna í Gegni sem er rafrænt landskerfi bókasafna. 

Starfsemi skólasafnsins
Felst m.a. í útlánum, sögustundum, safnakennslu  og heimildaleit. Skólasafninu er meðal annars ætlað það hlutverk að styðja sem best við það sem fer fram í skólanum og aðstoða nemendur og starfsfólk við öflun hverskonar efnis.

Markmið safnsins eru m.a.:

• að leiðbeina nemendum við að nota safnið við nám og til skemmtunar.
• að safnkosturinn hafi fræðslu og uppeldislegt gildi og sé aðgengilegur öllum nemendum  og starfsfólki skólans.
• að hjálpa nemendum  að verða sjálfbjarga við að afla heimilda við skólatengd verkefni og finna þau gögn sem tilheyra. safninu að örva áhuga nemenda á bókum og lestri.
• að þjálfa hlustun og eftirtekt með sögustundum.
• Stefnt er að því að allir nemendur fái bókasafnsfræðslu og læri m.a. á flokkunarkerfi safnins Dewey.

Á skólasafninu gilda einfaldar reglur

•  Öllum er frjálst að skoða og lesa bækur og rit á safninu.
• Við göngum hljóðlega um og tökum tillit til annarra.
• Við förum vel með safngögn og göngum frá öllu á sinn stað eftir okkur.
• Fræðibækur eru ekki lánaðar út af safni nema til heimildavinnu í skólanum.
• Útlánstími er 3o dagar.

Útlán

• Allir nemendur og starfsmenn skólans eiga lánþegaskírteini sem eru geymd á bókasafninu.
• Útlánstími er 30 dagar og ef þörf krefur er hægt að framlengja lán.
• Flestar bækur safnsins eru lánaðar heim, orðabækur og önnur uppsláttarrit sem eru sérstaklega merkt eru þó aðeins til afnota í skólanum.
• Myndbönd/diskar eru einungis lánuð út til kennara skólans.