Skemmtilegur dagur er á enda en í dag voru farnar ferðir á fjöll. Yngsta stigið gekk á Úlfarsfellið, miðstigið á Helgafellið og unglingastigið á Esjuna. Þessar göngur voru farnar í steikjandi hita og blæjalogni og höfðu allir gaman af. Nesti var snætt á miðri göngu og komumst allir á toppinn nema á Esjuna fóru unglingarnir mislangt eftir áhuga. Nokkrir fóru alla leið og varð Arnór Daði, 9. bekk fyrstur á toppinn. Þessar ferðir verða árlegur viðburður en í fyrra gengu allir á Úlfarsfellið.